40 ára afmælisflugsýning Þyts tókst mjög vel upp þrátt fyrir að veður hafi ekki verið 100%. Ótrúlegur fjöldi gesta mætti á svæðið og er talið að 2-3000 manns hafi verið á svæðinu þegar mest var. Röðin náði langt upp í hverfi og allar veitingarnar kláruðust í klúbbhúsinu, þvílík var eftirspurnin. Öflug fjölmiðlaumfjöllun hefur sjálfsagt átt sinn þátt í þessum fjölda ásamt veggspjöldum sem dreift var út um bæ.

Sýningin hófst kl.13:00 þangað til gera þurft stutt hlé vegna rigningar rétt fyrir kl.14. Svo var haldið áfram af fullum krafti til að verða hálf fjögur þegar lengra skúratímabil gerði og lokaði Sigurjón Valsson þá sýningunni með listflugi á TF-UFO.

Ali var vel tekið af gestum og mátti heyra þá súpa hveljur og ásamt margs konar öðrum búkhljóðum þegar Opus Colt fór að taka 20+ G beygjur. Ekki vakti flugið á Eurosport 3D minni athygli en það er hreint ótrúlegt að sjá hana hanga rétt yfir jörðinni. Drepa á mótor og svifa til lendingar atriðið á MX2 vakti líka verðskuldaða athygli og gaman var að sjá Viperjet í höndunum á Ali. Einnig flaug hann í stríðsfugla hólfinu, Dr.VII og tókst það engu verr upp.

Eftir að flugsýningin kláraðist þá fór töluverður tími í að svara spurningu forvitinna áhorfenda. Eftir því sem leið á daginn fækkaði þó í hópnum og þegar loks stytti upp voru bara örfáir eftir á svæðinu. Ali rifjaði þá upp gömul kynni við Turbo Raven sem Jón Erlends á tók eitt svakalegasta flug sem sést hefur norðan Alpanna! Eysteinn á vídeó af því og fáum við eflaust að sjá það fljótlega.

Eins og áður hefur verið sagt þá voru aðstæður ekki alveg 100% á sjálfan flugsýningardaginn en bæði föstudagurinn og sunnudagurinn bættu fyrir það með alvöru íslenskri sumarblíðu. Ég leyfi mér því að blanda saman myndum frá þessum þrem dögum því eins og þeir félagar orðuð það svo skemmtilega þá fóru þeir í dögun að heiman og komu svo heim undir kvöld, á Íslandi var bjart þess á milli.

Langar svo að þakka Einar Pál og öðrum sem komu að sýningunni, þetta gerist jú ekki af sjálfu sér og var undirbúningur hafinn fyrir nærri ári síðan þegar Ali var bókaður og síðan hefur mikil vinna farið fram bak við tjöldin. Nú er bara spurning hvað við gerum á 50 ára afmælinu!? 

Kassinn sem gripirnir komu í.


„Business“ endinn á Eurosport 3D.


Hún er flott á flugi!




Vissara samt að fara varlega að henni!


Og lítur svo sem ekkert illa út svona!




Neðar komst hún ekki...


RÚV tók viðtal við Ali.


Held ég kalli þessa: „Myndatökumaðurinn sem missti af fjörinu!“ 


Opus Colt, engin skyldleiki við Aircore Colt. 




Eitthvað spennandi þarna?


Viperjet fékk að kynnast nýjum hlutum.




Afhverju er himininn grænn? spurði Baddi.


Þetta er betra!


Tekið í Fokker Dr.I




Stöð 2 mætti líka til að taka viðtal.


Þessi myndatökumaður náði mestu af fjörinu, samt ekki öllu. 


MX2 hvað...


Svo voru þeir félagar sendir í flugtúr á Cub.


Og Cap.


Hluti af gestunum.






Böðvar í góðum gír tilbúinn við spilið.


Hákon kom frekar óvænt.


Sýningarflug á Cub-um.




Sýningarflug á Eurosport 3D.


Sýningarflug á MX2.


Sýningarflug á Viperjet.


Svo þurfti að flýja inn undan rigningunni og svara ótal spurningum.




Hluti af módelunum sem var til sýnis.






Gæslan leit við á sunnudeginum.


Vígalegir Fréttavefsmenn.


Katana á flugi.


Ali fékk skjöld til minningar.




Gestirnir með hluta sýningarstjórnar Þyts.