frettavefur.net - Fréttavefur Flugmódelmanna
#1 11-09-2006 00:19:24
Super Stearman smíði
Ég kom við hjá Þresti í dag og þar var margt spjallað og skrafað. Rétt áður en ég hélt heim nefndi Þröstur hvort ég vildi ekki smíða fyrir hann svosem eitt stykki módel og segja frá því hér á vefnum. Þannig er, að undanfarnar vikur hef ég lítið smíðað og ég var meira að segja orðinn svo „desperat“ að ég tók til í bílskúrnum mínum, raðaði hlutum upp og sópaði gólfið. Mér sýndist að það væri kominn tími til að smíða svolítið aftur, svo ég tók boðinu feginshendi og hélt heim með Super Stermann frá Great Planes undir hendinni. Hér er kassin á einu smíðaborðinu mínu:
Það má jafnvel sjá hreinleikann í kringum kassann ef vel er að gáð.
Ég byrjaði að því að taka allt upp úr kassanum til að gá að skemmdum. Hér er allt dótið:
Ég gat ekki fundið neinar skemmdir, aftur á móti fann ég fullt af alls konar dóti, meira en maður setur í samband við ARTF módel. Ég held að orðið ALMOST sé oftúlkun. Ég fann líka leiðbeiningar upp á 40 blaðsíður og settist niður og las smávegis í þeim. Það kom líka á daginn að það borgar sig að lesa leiðbeiningar.
Það fyrsta sem maður gerir er að renna með straujárni á filmuna og strekkja hana. Ég á ekki sokk á straujárnið, þannig að ég vafði bút af þurrkupappír utan um það til að fá ekki rispur á filmuna.
Nú er hægt að festa hallastýrin á með CA lömum sem maður klippir sjálfur úr CA-lama renningi. Leiðbeiningarnar segja að maður skuli klippa fjórtán lamir fyrir hallastýrin. Hér stoppaði ég við og hváði. Það sem ég stóð með annan neðri vænginn í höndunum og sá fjórar rifur fyrir lamir á honum gat ég ekki annað en reiknað 4x4=16, ekki 14! Ég merkti renninginn upp og komst að því að ef ég gerði 16 lamir fyrir hallastýri, þá hefði ég ekki nægilegt efni í hin stýrin. Ég var farinn að velta fyrir mér að klippa mjórri lamir þegar mér hugkvæmdist að lesa leiðbeiningarnar betur. Þá kom í ljós að efri vængirnir eru bara með þrjár lamir hvor. Semsagt 4+4+3+3=14.
Ég setti lamir í neðra hallastýrið hægra megin og prófaði það á. Ein lömin, sú ysta, komst ekki í alla leið, þannig að ég varð að stytta hana:
Þegar allt passa ði vel, þá límdi ég lamirnar í með CA lími, 6 dropa ofan og neðan á hverja löm.
Hallastýrin pössuðu öll frábærlega vel, nema eitt, á öðrum efri vængnum, sem settist ekki alveg eins og það átti að gera. Ég varð að skera nýja rifu fyrir ystu lömina, hálfum millimetra fyrir ofan þá sem verksmiðjan setti til að stýrið sæti á réttum stað.
Það síðasta sem ég gerði í kvöld var að opna servógötin á neðri vængnum og finna bandið sem átti að vera þarna. Ég nota venjulega lítinn lóðbolta til að bræða filmuna á þessum stað því hún festist þá við brúnir gatsins.
Lengi vel efaðist ég um að bandið væri þar sem leiðbeiningarnar sögðu að það ætti að vera, en eftir miklar þreifingar með litla putta (ég er ekki með mjóstu fingur í heimi) fann ég loksins fyrir bandinu. Það hafði verið límt svo rækilega að ég þurfti að toga það til í lengri tíma þar til það losnaði. Gaurinn á límbandinu hafði líka límt niður hinn endann á vængrótina, en þó þannig að þegar filman var sett á vænginn þá fór hún yfir límbandið. Það var eins gott að ég var ekki að flýta mér að rífa límbandið af, því þá hefði filman á vængnum fylgt með.
Sjáumst seinna þótt síðar verði.
"Þetta væri niðurlægjandi ef ég hefði einhverja reisn." Adam Savage
Bara átta kveðjur
Guðjón Ólafsson - Eyjafirði
Offline
#4 11-09-2006 11:51:34
Vegna: Super Stearman smíði
Jáá Z-fyrir Zorglub 
he he
verður svo Stermanninn til sölu já Þresti í lok samsetningarinnar?
Guðmundur Haraldsson Flugmódelfélag Akureyrar
I love how German Tiger crews said "a T34 always takes its turret off to greet a Tiger!"
Offline
#6 11-09-2006 12:52:11
Vegna: Super Stearman smíði
Þið verðið að eiga við Þröst hvernig hann selur módelið, en vonir standa til að það verði mega-flott.
"Þetta væri niðurlægjandi ef ég hefði einhverja reisn." Adam Savage
Bara átta kveðjur
Guðjón Ólafsson - Eyjafirði
Offline
#7 11-09-2006 20:04:04
Vegna: Super Stearman smíði
Þetta er spennandi! Nú er mál að koma upp nýrri smíðadagbók fyrir þetta verkefni á http://flugmodel.is/ er haggi?
Kristinn Ingi Pétursson
Netfang: kip[hjá]kip.is | vefsíða: www.kip.is | Sími: 6643818
Offline
Er þetta smíðahorn ekki nógu fínt fyrir þig lengur #9 11-09-2006 21:39:58
Vegna: Super Stearman smíði
Svo ég vitni í símtalið okkar áðann pungurinn þinn 
þá er líka fínt að hafa stóra og vandaða smíðadagbók á flugmodel.is eins og Gaui gerði fyrir Fw190 á http://www.grisara.is/FW190/index.html :D afþví svona smíðadagbók á spjallborði eins og þessu verður aaaalltof margar síður. Best að bíða bara og sjá hvernig meistari Gaui hefur þetta.
Kristinn Ingi Pétursson
Netfang: kip[hjá]kip.is | vefsíða: www.kip.is | Sími: 6643818
Offline
#10 11-09-2006 21:41:14
Vegna: Super Stearman smíði
Sorrí, Kip, ég nenni ekki að setja tvær dagbækuur saman um sama verkefnið.
Ekki mikið að gerast í dag. Ég las vandlega leiðbeiningarnar um vængbitana, hvernig ætti að setja þá saman úr þrem 3mm krossviðsbútum, en þá kom í ljós misræmi á milli leiðbeininga og raunveruleika. Raufarnar fyrir bitana eru bara 8mm breiðar og krossviðarbútarnir eru tveir 3mm og einn 2mm. Límdi þá saman með 5 mín. epoxy (það stóð í leiðbeiningunum að ég ætti að nota 6 mínútna epoxý, en ég á ekkert svoleiðis og hef aldrei átt – vona að það komi ekki að sök) og pússaði og pússaði þar til þeir pösuðu í raufarnar:
Þá var komið að því að setja saman neðri vænginn. Hann hefur vængfettu (díhedral) og það fylgir með teningur úr balsa til að setja undir vængendann. Einnig fylgir með lítill kubbur sem maður setur undir afturbrúnina á vængnum.
Ég set límband í kringum rótina á vængnum þannig að ef eitthvert lím gubbast út, þá skemmir það ekki filmuna á vængnum.
Ég setti 30 mínútna lím á allt sem við átti og renndi vængnum saman. Annan helminginn fergði ég eins og til stóð og setti balsateninginn undir hinn. Nú þarf þetta að fá að sitja svona þar til allt er orðið vel hart. Ég hugsa að ég hreyfi þetta ekkert fyrr en á morgun.
"Þetta væri niðurlægjandi ef ég hefði einhverja reisn." Adam Savage
Bara átta kveðjur
Guðjón Ólafsson - Eyjafirði
Offline