Easy Oriole
Fyrir u.þ.b. 2 vikum síðan átti ég leið til Þrastar
til að kaupa smádót og spjalla aðeins.
Þá rak ég augun í kassa með svifflugu, forvitninn náði yfirhöndinni þannig
að
ég laumaðist til að líta ofan í hann. Þar sá ég 1 stykki ARF svifflugu
með mótor og öllu saman.
Ég spurði Þröst hvort að hún væri til sölu, og jú hún var til sölu (skrýtið
ekki satt).
En því miður þá var Þröstur búinn að selja hana.
Ég spurði hann hvort að hann ætti von á fleiri svona vélum og hann sagðist
vera á
leiðinni að panta því að þó nokkrir hefðu sýnt vélinni áhuga.
Ég bað hann strax um að taka eina frá fyrir mig því að mig langaði að
kaupa hana og ekki skemmdi
verðið fyrir, aðeins 12.900 kr, og telst ekki mikið.
Svo leið og beið, inn á milli kom skemmtilegt föstudagskvöld með Balsabandinu
og Eiríki Fjalar.
Í gær hringdi ég í Þröst og viti menn vélin var komin.
Ég skaust í bæinn rétt fyrir lokun hjá Þresti og náði í gripinn.
Þegar ég kom úr vinnunni í dag skellti ég mér í það að setja gripinn saman,
eða réttara sagt raða fjarstýribúnaðinum í vélina.
Þegar að því lauk þá hringdi ég í vin minn í Flugmódelfélaginu
og bað hann að hitta
mig úti á velli rétt fyrir kl.6 í dag.
Fyrst á dagskrá var að athuga svifið á gripnum.
Og viti menn hún sveif tæpa 15m úr 2m kasthæð.
Því næst var hafinn undirbúningur fyrir fyrsta
flug með mótor sem fólst í því að aðstoðarmaðurinn
skutlaði vélinni beint áfram með mótorinn í gangi.
Vélin þurfti varla gjöf til að klifra og steig
áreynslulaust upp til himna.
Vélin er mjög þæg á flugi og gerir allt sem
maður vill að hún geri. Hún svarar líka vel og getur flogið hratt fyrir þá sem það vilja.
Þessi vél á eftir að fljúga mikið í sumar.
Smá tæknilegar staðreyndir:
Vænghaf: 160cm
Lengd: 100 cm
Mótor: Speed 550
Þyngd: 1100 grömm
Aflgjafi: 7 sellu, 1900 mah rafhlaða
Svifstig: Skuggalega mikið (Glide-ratio)
Kveðja
Sverrir Gunnlaugsson
|