frettavefur.net - Fréttavefur Flugmódelmanna

Nýjasta heftið af Bílar & Sport fór í prentun í gær og ætti að verða komið á sölustaði um eða fljótlega eftir helgi. Þemað að þessu sinni er trukkar og mun blaðið vera 92 síður en inn á milli leynist nú líka efni sem er tengdara sportinu okkar. Þar má finna grein um Lancaster í eigu Frímanns Frímannssonar en greinin fjallar að mestu um reynsluflugið á vélinni og er myndskreytt í samræmi við það.

Jólabókin í ár, alla veganna á innlendum markaði, hlítur að vera Flugvélar á og yfir Íslandi eftir Baldur Sveinsson. Eða eins og segir á heimasíðu útgefanda:

"Flugvélar á og yfir Íslandi er glæsilegt og viðamikið verk með yfir 500 ljósmyndum af öllum gerðum flugvéla sem hafa haft viðdvöl hér á landi um lengri eða skemmri tíma. Sérstök áhersla er lögð á að sýna flugvélarnar í sínu rétta umhverfi, í háloftunum, með íslenskt landslag í bakgrunni en svo stórt safn slíkra mynda hefur hvergi sést áður."

Hægt er að sjá myndir af og úr bókinni hér.