Um Fréttavefinn
Fréttavefurinn er sjálfstæður fréttamiðill sem er ætlað að fjalla um það helsta sem er að gerast í módelsportinu innanlands jafnt sem utan.
Fréttavefurinn kom fyrst á netið seinni hluta árs 1999 og var starfræktur í um 2 ár áður en undirritaður þurfti að setja hann í langan vetrardvala vegna anna á öðrum sviðum.
Í ágúst 2003 var rykið dustað af hugmyndinni og nýr vefur skrifaður frá grunni ásamt nýju útliti. Fyrsta útgáfa vefsins var skrifuð í ASP og nýtti sér Access gagnagrunn en fljótlega upp úr áramótum 2004 varð ljóst að vefurinn gæti ekki verið áfram á þáverandi vefþjóni. Þá var ráðist í að finna honum nýtt heimili og það krafðist endurnýjunar á bakendanum sem var þá skrifaður í PHP og gagnagrunnurinn færður yfir í MySQL. Um Verslunarmannahelgina 2008 birtist Fréttavefurinn í nýju útliti og er það fjórða birtingarmynd hans.
Fljótlega var svo ýmsum nýjungum bætt við eins og nafnalista, umræðuþráðum, myndasafni, flugdagbók, póstlista og leit á vefnum. Eins og gengur og gerist þá hafa þær mælst misjafnlega fyrir og ekki hafa þær allar lifað af í gegnum árin.
Módelmenn og aðrir geta einnig sent inn efni eða efnishugmyndir með því að hafa samband.
Sverrir Gunnlaugsson er ábyrgðarmaður vefsins.
