Þú ert ekki skráður inn.

#1 01-06-2019 19:51:25

Sverrir
Vefari
Frá: frettavefur.net
Skráð: 17-04-2004
Póstar: 12,597
Vefsíða

Obrestad V og Hodne - 1.júní 2019 - Norway Open F3F, annar dagur

Dagurinn var blautur og grámyglulegur þegar við vöknuðum í morgun en keppnisfundur var boðaður á hafnarsvæðinu í Obrestad klukkan 9, þangað var rétt rúmlega 25 mínútna akstur. Það létt örlítið yfir þegar sunnar dróg og benti allt til þess að spár YR.no myndu ganga eftir og létta til eftir því sem leið á daginn. Keppnin hófst svo upp úr kl. 10 með þriðju umferðinni og voru 12-15 m/s í þriðju og fjórðu umferð.

Brekkan var bæði lág og óregluleg svo uppstreymið var ansi misjafnt og tímarnir eftir því en heilt yfir voru menn bara nokkuð sáttir með sína tíma í nýrri brekku og svona miklu vindi. Ég var svo 14 í fjórðu umferð og bara ansi sáttur með það. Í fimmtu umferð byrjaði vindurinn að snúa sér frá brekkunni jafnframt því sem hann fór minnkandi. Tímar í seinni hlutanum fóru því versnandi eftir því sem á leið og í lokin var orðið mjög tæpt að fljúga í brekkunni þannig að um tvöleytið var tilkynnt að við færum yfir í Hodne.

Í Hodne tók við vinna að setja upp keppnisbrautina og vélarnar en ræst var út í sjöttu umferð rétt fyrir 15:30. Vindurinn var 30 gráður á brekkuna og í kringum 4 m/s til að byrja með en eftir því sem leið á fór hann að blása beint á brekkuna en fór jafnframt óðum þverrandi. Þegar um 7 flugmenn voru eftir þá fór vindurinn að detta niður fyrir 3 m/s eins og í gær og fór það svo að hann náði sér aldrei á strik eftir það.

Því stefnir allt í að sjöttu umferð verði skipt í tvær grúppur og við reynum að klára seinni grúppuna á morgun. Þetta var óneitanlega smá svekkelsi þar sem Respect vélarnar hjá mér og Guðjóni kunna mjög vel við sig í 3-4 m/s og vorum við í góðum málum þegar leikar voru blásnir af. Guðjón flaug þó í fyrri grúppunni ásamt Erlingi þannig að þeirra tíma eru orðnir gildir ef við náum að klára umferðina á morgun en svo verður þá bara að koma í ljós í hvernig aðstæðum seinni grúppan lendir.

Vinir okkar hjá YR.no spá því að þurrt verði fyrrihluta morgundagsins og SA átt og þá eru þokkalegar líkur á því að við náum að klára sjöttu umferðina og kannski eitthvað örlítið meira. Nú er bara að krossa putta og sjá hvað morgundagurinn ber í skauti sér!


Hafnarsvæðið í Obrestad.
1559417415_0.jpg

Vesturbrekkan í Obrestad, í fjarsk sést í suðurbrekkuna.
1559417415_1.jpg

1559417415_2.jpg

1559417415_3.jpg

Komnir til Hodne.
1559417415_4.jpg 

1559418484_0.jpg
Mynd: Erlingur Erlingsson

1559418484_1.jpg
Mynd: Erlingur Erlingsson

1559418484_2.jpg
Mynd: Erlingur Erlingsson

1559418484_3.jpg
Mynd: Erlingur Erlingsson

1559418484_4.jpg
Mynd: Erlingur Erlingsson

1559418484_5.jpg
Mynd: Erlingur Erlingsson

1559418484_6.jpg
Mynd: Erlingur Erlingsson

1559418484_7.jpg
Mynd: Erlingur Erlingsson

1559418484_8.jpg 
Mynd: Erlingur Erlingsson

Síðast breytt af Sverrir (02-06-2019 14:59:11)


Icelandic Volcano Yeti

Offline

Borðfótur

Knúið af FluxBB