Rafhlöðurnar:
Nú er rétti tíminn til að huga að módelunum, fara yfir tækin, prófa og
lagfæra. Oft hafa módel krassað vegna þess að rafhlaðan svíkur. Nú væri
upplagt að hressa upp á þær, en þær hafa mjög gott af hleðslu og afhleðslu
annað slagið. Hlaðið rafhlöðurnar í 15 tíma með venjulegu hleðslutæki,
afhlaðið þær síðan alveg og hlaðið aftur í 15 tíma. Afhlaða síðan einu sinni
enn og hlaðið, og ættu þær þá að vera orðna tilbúnar fyrir sumarið.
Nauðsynlegt er að afhlaða rafhlöðurnar alveg, a.m.k. í 1,1 volt per sellu.
Hægt er að nota til þess gerð tæki, en lang einfaldast er að nota litla
vasaljósaperu og afhlaða þar til ljósið slökknar.
Svona afhleðslu/hleðslu (battery cycling) er gott að framkvæma t.d. tvisvar
á sumri.
---
Nú væri einnig rétt að huga að rafkerfi módelsins. Það er alltaf grátlegt að
horfa á menn krassa vegna þess að rafhlaðan er tóm.
- Er rafhlaðan nógu stór?
- Mælir þú spennuna fyrir hvert flug, annað hvort með innbyggðum
ljósdíóðuvoltmæli, eða mæli (með 10 ohm álagi) sem hægt er að stinga í
samband við hleðslutengið?
Gættu þess að fljúga ekki ef spennan er lægri en 4,8 volt (1,2 volt per
sellu í 4-sellu pakka.
Gættu þess líka að treysta ekki blint á nákvæmni spennumælisins. Hann gæti
verið vitlaust kvarðaður og þá er voðinn vís.
- Mundu eftir að stór módel eyða meiri straum en lítil. Er það vegna þess að
meira álag er á stýrifletina, og oft eru fleiri servó í vélinni.
- Notar þú tvo rafhlöðupakka? Það er sjálfsagður hlutur, ef plássið leyfir.
Einfaldast er að nota tvo jafnstóra rafhlöðupakka (4 eða 5 sellur), og tvær
rofasnúrur með tveim hleðslutengjum. Aukarafhlaðan er þá tengd við ónotaðan
servótengil í viðtækinu, eða ásamt einhverju servó með hjálp Y-snúru. Fyrir
hvert flug er fyrst kveikt á öðrum rofanum aðeins og síðan á hinum aðeins
meðan spennan er mæld og stýrifletir eru hreyfðir, og svo auðvitð á báðum
fyrir flug.
Með svona tengingu vinnst ýmislegt: Rýmdin tvöfaldast og einföld bilun í
rafhlöðupakka eða rofa kemur ekki að sök.
---
Á R/C horninu http://www.rt.is/ahb/rc/ er grein um hleðslurafhlöður (lína 4
í bendingunum). Kristján Antonsson dreifði líka ágætri grein um sama efni á
fundi í fyrra.
Lendum ekki í því að krassa í sumar vegna lélegs rafkerfis!